Duke i’u kërkuar falje mbështetësve që kanë mbetur jashtë, pasi ishin në numër shumë të madh, kandidati për president nga VLEN, Arben Taravari, ka nisur sonte konventen promovuese, shkruan Alsat.
Ai theksoi se ky është kandidimi dhe privilegji më i madh që ka pasur deri tash në jetë.
“Ky kandidim është përgjegjësi por edhe privilegji më i madh që kam pasur në jetë. Secili nga ju që keni ardhur, ju falenderoj shume, sepse ju jeni forca ime. Jam mjek 26 vjet, profili si neurolog me ka bërë që të njoh shqetësimet e njerëzve, dhe që vijnë nga një sistem jo i drejtë. Unë do jem si president i njerëzve dhe për njerëzit. Si president i propozuar nga VLEN do jem fitues absolut në kampin shqiptar”, deklaroi kandidati për president i VLEN, Arben Taravari.
Ai tha se mbaroi koha e presidentëve që jetojnë në pallate të kristalta dhe larg njerëzve.
“Unë do jem ndryshe, do jem president i të gjithë qytetareve”, deklaroi Taravari. Ai kërkoi që presidenti të votohet në Kuvend dhe gjithashtu foli për ndryshimet kushtetuese, duke kërkuar që të largohet 20 për qindshi.
“Ne do të luftojmë për liri barazi dhe. Harmoni në Maqedoninë e Veriut. Populli është i pari, andaj kjo është motoja jonë”, theksoi Taravari.
