Presidenti i Kosovës, Hashim Thaçi, ka vlerësuar se kryeministri i Kosovës, Ramush Haradinaj po gabon që nuk po i dëgjon Shtetet e Bashkuara të Amerikës për taksën.
“Mik mund të jesh kur respekton këshillat”, ka thënë presidenti i Kosovës, Hashim Thaçi, kur i është kujtuar qëndrimi i kryeministrit të Kosovës, Ramush Haradinaj, lidhur me mos heqjen e taksës ndaj Serbisë dhe ruajtjen e miqësisë me SHBA-në njëherësh.
Ai ka folur të mërkurën në “Debat” të RTK-së.
“Nuk ka lider që mund ta cenojë miqësinë e SHBA-së me popullin e Kosovës. Pushtetet janë të ndara, Qeveria duhet të marrë vendime strategjike që lidhen me të ardhmen euro-atlantike”, ka thënë ai.
