Sipas presidencës, ky dekretim është edhe një nga masat afirmative që Kosova i ka arritur për barazi te të gjitha komunitetet.
“Dekretimi i gjyqtarëve dhe prokurorëve nga komunitetet jo shumicë në Republikën e Kosovës nga Presidenti i Republikës së Kosovës, Hashim Thaçi, do të bëhet të martën, më 24 tetor 2017. Dekretimi i tyre është edhe një nga masat afirmative, të cilat institucionet e Republikës së Kosovës i ndërmarrin për të arritur një barazi të plotë dhe efektive të pjesëtarëve të komuniteteve në të gjitha fushat e jetës, ekonomike, shoqërore, politike dhe kulturore”, thuhet në komunikatën e Presidencës.
“Me aktin e betimit, bëhet edhe zbatimi i plotë të Marrëveshjes për Drejtësi të arritur në Bruksel, më datën 10 shkurt 2015”, përfundon komunikata.
Kujtojmë se gjatë javës një herë kishte dështuar dekretimi i prokurorëve dhe gjyqtarëve serbë.
Ndërkaq, Marko Gjuriq kishte paralajmëruar për sot dekretimin e tyre, megjithatë presidenti Thaçi veproi ndryshe. /Lajmi.net/
