Televizioni News24, Balkanweb, Gazeta Panorama dhe Gazeta Shqiptare ditën e sotme janë ndaluar të ushtrojnë detyrën e tyre për të raportuar lajmet.
Gjatë ditës nën drejtimin e Ardi Veliut, administratorit të shoqërisë KAYO, ambienti i News24 është rrethuar nga forcat e shumta, ndërkohë që është ndërprerë sinjali i transmetimit te TV News24, Panorama TV, po ashtu dhe gazetarët e Gazetes Panorama, Panorama Sport, Balkanweb, Gazetes Shqiptare janë nxjerë jashtë forcërisht.
Pas disa orësh uzurpim të ambienteve të mediave në Focus Media News dhe Panorama Group, Policia e Shtetit është tërhequr nga ambienti i brendshem i godinave te mediave.
Godinat dhe ambientet e brendshme jane ‘pushtuar’ tashme nga Policia e Ushtarake, ndërkohë që televizioni me i rëndësishëm informativ i Shqipërisë vazhdon të jetë me sinjal të fikur, pasi i gjithë stafi, tekniket, kameramanët, gazetarët dhe drejtuesit e mediave nuk lejohet të futen në godinë.
Për këtë ngjarje të rëndë kanë reaguar organizatat e mbrojtjes së mediave, faktori politik dhe ekspertë të njohjes së ligjit, por situata mbetet totalisht e bllokuar.
