Dy gra janë lënduar nga shtëna pistolete në Romë këtë pasdite, në rrugën “Ozanam”.
Sipas raportimeve të para të medieve lokale, gjatë një aksioni policor, karabinierët kanë urdhëruar një makinë që të ndalojë. Drejtuesi i mjetit nuk i është bindur urdhrit dhe ka drejtuar mjetit drejt një karabinieri.
Ky i fundit ka qëlluar me armë duke plagosur dy gra që ndodheshin në zonë në momentin e ngjarjes. Raportohet se të lënduarat janë jashtë rrezikut për jetën.
Makina ka arritur të largohet, ndërsa karabinierët kanë nisur një aksion për lokalizimin dhe ndalimin e saj.
