Mourinho del prej kontrollit, shkon në parking dhe e shan referin.
Jose Mourinho doli nga kontrolli mbrëmë pas ndeshjes finale të Ligës së Evropës mes Romës dhe Sevillës.
Ekipi i tij u mposht në penallti pasi loja e rregullt dhe vazhdimet përfunduan baras, 1:1, shkruan “Gazeta Express”.
E pas lojës, “Special One” i shkoi afër gjyqtarit të ndeshjes, Anthony Taylor, me të cilin deshi t’i qëronte hesapet.
Trajneri i Romës konsideroi se e dëmtuan gjyqtarët mbrëmë, ndërsa teksa iu afrua referit tek minibusi në parkingun e stadiumit “Puskas Arena” në Budapest, i tha: “ju jeni një turp”, “budalla” etj, në gjuhën angleze dhe në atë italiane.
Ndërkohë, Rosetti, zyrtar i UEFA-s, u mundua ta qetësonte.
Roma nuk arriti ta fitonte trofeun e dytë radhazi pasi kishte triumfuar vitin e kaluar në Ligën e Konferencës.
