Trump Jr. do të dëshmojë para Komitetit të Senatit

Donald Trump Jr., djali i presidentit të SHBA-së, Donald Trump dhe udhëheqësi i fushatës së tij, Paul Manafort, kanë pranuar të dëshmojnë publikisht javën e ardhshme para Komitetit të Senatit, pas hetimeve që po zhvillohen për ndërhyrjen e supozuar të Rusisë në zgjedhjet presidenciale të SHBA-së më 2016.

Komiteti Gjyqësor i Senatit ka njoftuar se dy figurat qendrore të hetimeve do të paraqiten para komitetit më 26 korrik.

Te dy personat janë në krye të hetimeve të Kongresit dhe Departamentit të Drejtësisë, si shkak i informacioneve që dolën se këta persona janë takuar më disa rusë, gjatë fushatës për zgjedhje presidenciale në SHBA.

Është thënë që në këtë takim rusët u kanë premtuar amerikanëve se do t’ju sigurojnë informacione që do të dëmtonin rivalen e Trumpit, demokraten Hillary Clinton.

Avokatja ruse, Natalya Veselnitskaya, që sipas pjesëmarrësve të takimit ka poseduar dokumentacion për Clintonin, i ka thënë kanalit rus RT, se është e gatshme të dëshmojë, “ për të sqaruar situatën pas kësaj histerie të madhe”.

Javën e ardhshme edhe dhëndri i Trumpit, Jared Kushner, do të dëshmojë para Komitetit të Senatit për Inteligjinencë, mirëpo procesi do të jetë i mbyllur për publikun.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme