Ded Radi nga Prizreni me banim në Zvicër, ka vdekur pas një aksident trafiku në njërën prej austradave drejt Cyrihut, transmeton Gazeta Metro.
Ngjarja ka ndodhur mëngjesin e sotëm, kur Radi pak pasi doli nga tuneli, është përplasur me dy kuaj që po kalëronin në rrugë.
Fotografië tregojnë se vetura e prizenasit, Passat i bardhë, është shkatërruar krejtësisht.
Pavarësisht reagimit të menjëhershëm të autoriteteve, ngasësi nga Kosova ka ndërruar jetë në vendin e ngjarjes.
Po ashtu, bëhet e ditur se nga përplasja e dhunshme me automjetin, kanë ngordhur edhe dy kuajt.
