Përfaqësuesi zyrtar i ministrisë së Punëve të Jashtme të Ukrainës, Oleh Nikolenko, i ka bërë thirrje Serbisë që të mos e lejojë transmetimin e kanalit “Russia Today”.Ai tha se në këtë kanal, agresioni kundër Ukrainës po justifikohet vazhdimisht dhe po bëhen thirrje për gjenocid.“RT nuk ka asgjë të përbashkët me lirinë e fjalës dhe gazetarinë. Propaganda dhe dezinformata që shpërndan ky kanal nuk do t’i sjellë dobi shoqërisë serbe. Ne i bëjmë thirrje Beogradit që të mos e marrë këtë vendim”, citon pravda.com.ua të ketë thënë Nikolenko, shkruan N1.Tutje, Nikolenko tha se kanali shtetëror rus “Russia Today”, nuk është në përputhje me kursin e Serbisë për t’u bërë anëtare e Bashkimit Evropian.Ndërsa, kryeredaktorja e “Russia Today” në Serbi, Jelena Milincic tha se “njerëzit e rajonit tani do të kenë akses në RT në gjuhën serbe, e cila do të sigurojë një pamje më të plotë të botës moderne”.
rreth nesh
Ky portal mirëmbahet nga kompania ALMAKOS-MEDIA. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të ALMAKOS-MEDIA. Për ta shfrytëzuar materialin e këtij portali obligoheni t'i pranoni kushtet e përdorimit.