Interesimin e gazetarit të televizionit Alsat për çmimet e produkteve ushqimore, si të bukës, qumështit, e produkteve tjera bazë që vazhdojnë të jenë të larta përkundër uljes së çmimit të naftës dhe subvencioneve për energjinë elektrike, Ministri i Ekonomisë, Kreshnik Bekteshi e quajti protagonizëm apo tentim për të marrë më shumë klikime në rrjetet sociale. Madje Bekteshi mbajti edhe leksion gazetarie se si duhet të veprohet duke harruar se ishin pikërisht drejtuesit e institucioneve si ai, kryeministri Kovaçevski dhe të tjerë që në vazhdimësi kanë folur për uljen të çmimeve pasi të jetë miratuar ligji për konsumatorët, të jetë ulur çmimi i derivateve të naftës apo me subvencionet për energjinë elektrike.
“Ministër sot për ju nuk solla asgjë, për dallim prej dje që i dërgova kryeministrit, nuk solla as bukë, as qumësht, as oriz, as sheqer e asnjë produkt nga ushqimet bazë. Edhe pse ju vetë për televizionin tonë më 27 shtator premtuat se sapo të miratohet Ligji për mbrojtjen e konsumatorëve çmimet do të ngrihen, nuk do të mund të shtrenjtohen e kështu me radhë e prej atëherë deri më tani i bie që na keni gënjyer, edhe ne, qytetarët mediat e kështu me radhë. Çarë duhet të ndodh që për çdo ditë të mos ndodh e kundërta e asaj që premtoni. Do të thotë kur thoni se ka lirime, ndodhin shtrenjtimi…”, pyeti Mefail Ismaili, gazetar TV ALSAT.
“Pyetje e shkëlqyer, gjithkush ka nevojë për protagonizëm edhe ajo dje ishte protagonizëm, edhe kjo sot me siguri. Por nuk është problem ne jemi këtu tu përgjigjemi qytetarëve, drejtpërdrejtë, hapur… Lidhur me çmimet ne kemi thënë se presim të ketë ulje nga 7 deri në 12%, atë që Ju dje e dhatë si shembull zotëri duhet ta keni parasysh se 10% në çmimin e 50 denarëve është 5 denarë, ndërsa 7 përqind është edhe më pakë se pesë denarë. Andaj kur do të tregoni punë të këtilla duhet në mënyrë të drejtë ti informoni qytetarët. 41.58.42.27 51 denar ishte buka para 3 javëve a para dy muajve, dhe 51 denarë ishte dje kur e bleva, fiskalja është tek kryeministri ta kërkoni dhe ta shikoni. A ne flasim me fakte, me llogari fiskale dhe me bukë. Por nëse mendoni se 4 denarë lirim është ajo që nga 52 denar është liruar në 51 denarë ajo është diçka tjetër”, u përgjigj Kreshnik Bekteshi, ministër i Ekonomisë. /Alsat.mk
