“Edhe një tjetër natë tmerri e papërshkrueshëm për një milion fëmijë në Gaza”, ka reaguar UNICEF.
Më tej UNICEF-i ka thënë se e kanë humbur kontaktet me kolegët tyre në Gaza.
“Jam jashtëzakonisht i shqetësuar për sigurinë e tyre Të gjithë humanitarët dhe fëmijët dhe familjet të cilave u shërbejnë të duhet të mbrohen”, ka thënë Catherine Russell, Drejtore Ekzekutive e UNICEF-it.
“Pothuajse çdo fëmijë në Rripin e Gazës është ekspozuar ndaj shkatërrimit të gjerë, sulmeve të pamëshirshme, zhvendosjes dhe mungesës së madhe të gjërave thelbësore si ushqimi, uji dhe ilaçet. UNICEF po bën thirrje për një armëpushim urgjent, akses humanitar dhe lirim të të gjithë pengjeve”, thuhet në njoftimin e tyre të datë 25 tetor të vitit 2023 në Twitter.
