Vazhdon edhe sot gjykimi për Rastin “Kumanova”

              E enjte, 03 Nentor 2016  – Sakte.net  /

Në sallën e madhe të Gjykatës Supreme në Shkup sot do të vazhdojë gjykimi për lëndën “Lagjja e Trimave – Kumanova”. Seanca e fundit duhej të mbahet më 17 tetor, por u anulua për shkak të udhëtimit zyrtar të prokurorit kompetent nga Prokuroria për Ndjekjen e Krimit të Organizuar dhe Korrupsionit.

 

37 të akuzuar po gjykohen për rastin “Kumanova – Lagjja e Trimave”, për ndodhitë e 9 dhe 10 majit të vitit 2015 në Kumanovë.

Vitin e kaluar në “Lagjen e Trimave” në Kumanovë, një grup i armatosur u përlesh me forcat e sigurisë të Maqedonisë. Me këtë rast u vranë 8 policë nga njësitet speciale dhe nga njësitet e veçanta të MPB-së, ndërsa katër të tjerë u plagosën. Humbën jetën edhe 10 pjesëtar të grupit të armatosur.