Një incident tragjik ndodhi në Izrael kur një gropë 13 metra e thellë u hap dhe gëlltiti një burrë në një festë korporative në një vilë 40 kilometra në juglindje të Tel Avivit. Viktima ishte një punonjës i kompanisë 32 vjeç.
Pamjet nga videot, që qarkullojnë në rrjetet sociale, të lënë pa frymë teksa fiksojnë momentet e panikut dhe përpjekjeve për të shpëtuar të riun fatkeq. Të ftuarit e festës shikojnë momentin e dramës. Ata mbeten në befasi pasi argëtimi kthehet papritur në një makth, hapet një vrimë dhe gëlltit një burrë.
Gjithçka shpaloset në një fraksion sekonde dhe para se të kuptojnë plotësisht se çfarë po ndodh, të ftuarit përballen me tronditjen. Menjëherë më pas, po bëhen përpjekje dramatike për të shpëtuar 32-vjeçarin, por të pasuksesshme pasi thellësia është e madhe dhe koha e gjatë për shpëtimtarët për të mbërritur tek viktima.
Sipas raportimeve të mediave të huaja, shpëtimtarëve iu deshën katër orë për të arritur tek viktima , Kleel Kimi, në një thellësi prej 13 metrash.
Një burrë i dytë ra në gropë, por nuk arriti të vdiste dhe më në fund u shpëtua me lëndime të lehta.
Në festë, sipas raportimeve, ishin 50 persona, ndërsa në momentin e dramës gjashtë ishin në pishinë.
Papritur, uji filloi të tërhiqej dhe gropa u hap.
Pas ngjarjes së tmerrshme, dy persona janë ulur në bankën e të akuzuarve.
Dy të arrestuarit ishin një çift rreth të 60-tave, pronarë të shtëpisë me pishinën fatale. Ata akuzohen për shkak të vdekjes nga pakujdesia.
Pishina dyshohet se është krijuar pa lejen e nevojshme ndërkohë që kanë nisur hetimet për ngjarjen./GSH
