Kryetari i Bashkisë së Vlorës, Dritan Leli i ka shpëtuar jetën sot një të moshuari, i cili nuk është ndier mirë papritur teksa pushonte në bregdet, si pasojë e një parainfarkti.
Në zonë, veç shumë qytetarëve që i kanë ardhur në ndihmë të moshuarit, u gjend edhe vetë kryebashkiaku Leli, i cili në atë kohë ka qenë duke kaluar në zonën e Lungomares, duke pasur kështu mundësi që të ndërhyjë direkt.
Leli është mjek me profesion, duke i dhënë ndihmën e parë të moshuarit, deri në momentin kur ka ardhur dhe e ka marrë ambulanca për ta dërguar në spitalin rajonal për marrjen e ndihmës së nevojshme mjekësore./GSH
