Mes folësve në protestën ku morën pjesë mijëra shqiptarë mbrëmjen e sotme ishte edhe aktori i mirënjohur Mehdi Malkaj.
Ai nuk ka munguar edhe në këtë protestë të dhjetë në Tiranë, duke mbajtur fjalim që u prit me ovacione nga qytetarët në sheshin para kryeministrisë.
Ai ka bërë thirrje që shqiptarët të qëndrojnë të bashkuar dhe të mos lejojnë shkatërrimin e Shqipërisë.
“Kanë tentuar ta shqyejnë Shqipërinë, e kanë bërë copë-copë. E kemi ne për detyra ta mbrojmë Shqipërinë tonë”, tha ai mes të tjerash.
Teksa kërkoi dorëheqjen e qeverisë dhe largimin e kryeministrit Edi Rama ai apeloi:
“I bëj një thirrje Dardanisë, Kosovës, se edhe ata kanë derdhur shumë gjak për të ngritur flamurin në Vlorë”.
