Një ngjarje e rëndë është regjistruar pak më parë në qytetin e Elbasanit, ku një 52-vjeçare është vetëhedhur nga kati i katërt i një pallati në lagjen ‘Vullnetari’ të qytetit.
Bëhet fjalë për shtetasen Fatbardha Likrama, 52 vjeç, e cila vuante nga depresioni. Ndërkohë, rezulton se mbrëmjen e djeshme, 52-vjeçarja ka pasur një konflikt të rëndë me vjehrrën e saj, e cila thuhet se e ka rrahur. Pas konfliktit në familje me vjehrrën ajo është larguar nga shtëpia dhe ka qëndruar në banesën e motrës së saj, ku mesditën e sotme ajo vendosi të hidhej nga kati i 4 i pallatit.
