Mjaftonte pak dëborë dhe temperatura në minus gradë që të kuptonim që shteti në Shqipëri nuk ekziston më.
Këtë e ka treguar më së mirë situata në Lezhë, ku asnjë institucion nuk u ka shkuar në ndihmë qindra njerëzve që janë bllokuar në rrugën Lezhë-Milot.
As Bashki, as polici, zjarrfikëse, prefekturë apo ndonjë institucion i Ministrisë së Belinda Ballukut nuk u ka shkuar në ndihmë njerëzve që janë në rrezik jete.
Banori Xhimi Seferi: Kam 4 orë i bllokuar, po më mbaron karburanti, nuk dal dot nga makina për shkak të kohës, kam lajmëruar por askush nuk na ka ardhur në ndihmë.
Banori: Përpara meja ka kamionë, makina dhe një autobus plot me njerëz, ka edhe fëmijë të vegjël dhe nuk e di se çfarë do të ndodhë me ne.
Banori: Kam lajmëruar me mesazhe deri në ministri dhe kryetarë bashkie, jo vetëm ndihmë që nuk na kanë dhënë por as mbështetje.
Banori: Situata është e vështirë, nuk dimë se çfarë do të ndodhë me ne në orët në vijim.
© SYRI.net