Presidenti serb Aleksandër Vuçiq tha në Davos se bisedimet me Prishtinën dhe ruajtja e paqes në Bosnje Hercegovinë janë tema kyçe për Serbinë dhe për stabilitetin e Ballkanit perëndimor.
Vuçiq foli për Radio Televizionin e Serbisë, se Beogradi dëshiron të arrijë një kompromis me përfaqësuesit e Prishtinës.
“Unë ju thashë shqiptarëve, në qoftë se ju flisni çdo ditë dhe në qoftë se të tjerët në botë presin që ne do të japim gjithçka dhe nga ana tjetër kemi marrë asgjë, atëherë ju falenderoj dhe lamtumirë,” tha Presidenti i Serbisë .
Ai gjithashtu vlerësoi se biseda e sotme me presidentin e Kosovës Hashim Thaçi në Davos është një formë dialogu, raporton “Beta”, transmeton Periskopi.
“Ne do të duhet të zgjidhim gjërat herë pas here. Është puna jonë të mos humbasim atë që nuk duhet të humbasim, por të humbasim vetëm atë që ne dëshirojmë. Nëse njerëzit nuk e kuptojnë atë që po bëjmë, ekziston një zgjedhje tjetër, por kam frikë se kjo zgjedhje do të kthehet në dështim,” tha Vuçiq.
Ai gjithashtu tha se Serbia po pret rezultatet e një hetimi nga autoritetet e Kosovës për vrasjen e kreut të SDP-së Oliver Ivanoviq në Mitrovicën e veriut.
“Ambasadori i SHBA-së në Prishtinë, Greg Delaëie, tha se kjo është një mundësi e jashtëzakonshme që ata të tregojnë rezultate. Nëse nuk i tregojnë ata, pastaj do të shohim se çfarë mund të bëjmë sepse nuk do të dorëzohemi,” tha Vuçiq.
Duke folur për aspektet ekonomike të bisedimeve në Davos, Vuçiq tha se Forumi Ekonomik Botëror e pranoi se Serbia nuk kishte probleme me reformat ekonomike./Periskopi/
