Një grup i arkitektëve egjiptianë fitoi konkursin për të rindërtuar Xhaminë e Madhe të Mosulit al-Nuri, katër vjet pas shkatërrimit të saj nga militantët e grupit Shteti Islamik.
Rindërtimi i saj është pjesë e projektit të Kombeve të Bashkuara “Ringjallja e Shpirtit të Mosulit”.
Tetë arkitektë egjiptianë u zgjodhën për rindërtim, në mesin e 123 konkurrentëve.
Rindërtimi i xhamisë “do të jetë një pikë referimi në procesin e avancimit të pajtimit në qytetin e shkatërruar nga lufta”, tha Audrey Azoulay, e cila kryeson agjencinë për kulturë të Kombeve të Bashkuara, UNESCO.
“Salla e faljeve do të duket siç ishte para shkatërrimit, por do të ketë edhe ndryshime të dukshme, përfshirë përdorimin e dritës natyrore dhe hapësirat e zgjeruara për gratë dhe personalitetet”, tha UNESCO përmes një deklarate.
Rindërtimi i xhamisë do të nisë këtë vit.
Beteja për kontrollin e Mosulit zgjati gati nëntë muaj, duke lënë pjesën më të madhe të qytetit nën rrënoja.
Mijëra civilë u vranë dhe më shumë se 900,000 u zhvendosën.
Emiratet e Bashkuara Arabe do të japin 50 milion dollarë për rindërtimin e një xhamie të rëndësishme në qytetin irakian të Mosulit, të hedhur në erë nga militantët e Shtetit Islamik.
Kjo është xhamia ku udhëheqësi i ISIS, Ebu Bekr al-Bagdadi shpalli krijimin e një “kalifati” në vitin 2014.
Grupi xhihadist e shkatërroi atë tre vjet më vonë, ndërsa trupat irakiane u mbyllën brenda.
Gjithçka që ka mbetur është baza e minares dhe një kupë qiellore e mbështetur nga disa shtylla.
Beteja për qytetin zgjati pothuajse nëntë muaj, duke lënë zona të mëdha nën rrënoja, vrarë mijëra civilë dhe zhvendosur më shumë se 900.000 persona të tjerë.
Drejtori i Përgjithshëm i Organizatës së Kombeve të Bashkuara për Arsim, Shkencë dhe Kulturë (Unesco) tha të hënën se partneriteti i tij me Emiratet e Bashkuara Arabe dhe qeveritë e Irakut ishte bashkëpunimi më i madh ndonjëherë për të rindërtuar trashëgiminë kulturore në Irak.
Viti i parë i projektit do të përqëndrohet në dokumentimin dhe pastrimin e vendit të Xhamisë së Madhe të al-Nurit, si dhe hartimin e planeve për rindërtimin e saj.
Katër vitet e ardhshme do të përqëndrohen në restaurimin dhe rindërtimin e minareve të famshme, sallën e lutjes dhe ndërtesave të afërta.
