Duket se Xheneta nuk ka ndërmend të ndalet me dedikimet emocionale këto ditë.
Pas tatuazhit prekës që ia dedikoi personit që e ka rritur, ajo ka surprizuar ndjekësit me një tjetër mesazh, këtë herë përmes muzikës.
Në një InstaStory të publikuar së fundmi, ajo ka ndarë një video me këngën “1 Dashuri” nga 2TON dhe Bejta.
Dedikimi ka ngritur pikëpyetje mes fansave, të cilët spekulojnë se mund të jetë për një ish të dashur – ndoshta djalin misterioz që ajo publikoi gjatë pushimeve në Dubai, apo edhe një reagim i tërthortë ndaj deklaratës së gazetarit Redjon Shtylla pas skeçit të fundit të Gjestit në “Portokalli”, ku Xheneta dhe Egli u injoruan.
Çfarë fshihet pas këtyre mesazheve? Fansat mbeten në pritje të një shpjegimi të qartë nga vetë Xheneta.
