Modeli më i ri i prodhuesit luksoz italian Lamborghini është fotografuar teksa ishte nxjerrë për tu testuar nga ekspertët e kompanisë diku në një shtet të Europës.
Lamborghini e kishte paralajmëruar këtë model si koncept në panairin e veturave të Pekinit në Kinë më 2012, model i cili ishte emëruar ‘Urus’.
Deri në muajin mars të 2015-ës, shefat e kompanisë Audi dhe Volksëagen, të cilët e kanë në pronësi markën italiane, kishin diskutuar nëse i duhej dhënë drita e gjelbër për prodhim xhipit Lamborghini Urus.
Kjo veturë pritet të ketë 600 kuajfuqi dhe motor 4 litra me turbo të dyfishtë. Lamborghini e ka prodhuar këtë model për të konkurruar në tregun e SUV luksoz me modelet si Porsche Cayenne e Bentley Bentayga.
