I shumë përfolur kohëve të fundit për spiunë të UDB-së, të UNMIK-ut, dhe të KFOR-it, Milaim Zeka ka folur për këto akuza duke përgënjeshtruar ato në tërësi.
Zeka në emisionin “Republika”, ka thënë se asnjë nga këto akuza që i janë bërë nuk janë të vërteta, por ka pohuar se ka qasje në arkivat e UDB-ës.
Këtë qasje ai ka thënë se e ka falë nënshtetësisë evropiane që e ka, dhe nga qasja në këto arkiva ka mësuar gjëra që mund ta trondisin këdo në Kosovë.
“Ekziston arkiva më e saktë, arkiva më e sigurt, arkiva më faktike, e UDB-ës në Lublanë, që unë duke shfrytëzu mundësin e të qenurit nënshtetas evropian, me pasaport evropiane, e kam kriju qasjen në arkivat e UDB-ës në Lublanë dhe në Kroaci” ka thënë Zeka.
