Ambasadori i BE-së, Samuel Zhbogar ka thënë se nuk duhet dramatizuar dhe se partive duhet të ju jepet më tepër kohë për formimin e Qeverisë.
“Nuk mendoj se gjendja në vend është shumë e keqe, nuk duhet të dramatizojmë. Patëm zgjedhje dhe duhet tu jepet më tepër kohë që të mund liderët politik të formojnë qeveri. Po e shoh se partitë janë angazhuar. Jam optimist se liderët politik do të gjejnë mënyrë e vërtet për të formuar qeveri, që të mund ne si BE të vazhdojmë të punojmë në realizmin e reformave që janë të nevojshme”, ka thënë Zhbogar, gjatë vizitës së tij në Berovë.
