Pilotët e aeroplanit të Royal Air Force të Malajzisë (RMAN), aeroplan që ishte raportuar i zhdukur në Kuantan pranë kufirit Pahang-Terengganu janë gjetur të vdekur, kanë thënë mediat e huaja, përcjell Telegrafi.
Të dy pilotët e avionit luftarak Hawk 108 u gjetën në një moçal pranë Chukai në Terengganu në 2.30 të pasdites të së mërkurës, sipas agjencisë së lajmeve Bernama.
Viktimat janë identifikuar si major Hasri Zahari, 31, dhe major Yazmin Mohamed Yusof, 39.
Të dy pilotët u gjetën me parashutat e tyre të aktivizuara por rrënojat e avionit ende nuk janë gjetur.
Kontakti me avionin luftarak ishte humbur në 11:30, pasi avioni u nis nga baza ajrore Kuantan, sipas RMAN, pas së cilës gjë ishte nisur një operacion kërkimi dhe shpëtimi. /Telegrafi/
