Ministria e Mbrojtjes ka informuar për situatën e zjarreve në vend, ku bën me dije se aktualisht janë aktive vetëm 8 vatra.
Gjatë 24 orëve të fundit janë shuar 7 vatra, ndërsa vatrat që janë ende aktive nuk përbëjnë rrezik për zonat e banuara.
Njoftimi:
8 vatra zjarri janë aktualisht aktive në të gjithë territorin e vendit.
Gjatë ditës së sotme, Qendra Kombëtare Operacionale e Emergjencave Civile në #AKMC ka raportuar shuarjen e 7 vatrave të zjarrit. Puna po vijon deri në shuarjen përfundimtare të vatrave aktive në qarqet Vlorë, Shkodër, Korçë dhe Tiranë.
Asnjë nga këto vatra nuk paraqet rrezik për zonat e banuara. Në aksionet e sotme, përveç forcave të Emergjencave Civile të pushtetit vendor, u angazhuan edhe 60 efektivë të Forcave të Armatosura.
