Është vënë nën kontroll zjarri i cili gjatë ditës së djeshme ka rënë në fabrikën e ngjyrave dhe llaqeve në afërsi të fshatit Falishtë, në komunën e Tetovës.
Nga Qendra për Menaxhim me Kriza (QMK) bëjnë të ditur se ka pak tym, por ende në vend është ekipi i zjarrfikësve NJTZ Tetovë, i cili e kontrollon situatën, ndërsa ka edhe polici për sigurimin e lokacionit. Ndërkohë për testimin e ujit të pijshëm në terren është ekipi i Qendrës për Shëndet Publik të Tetovës.
