Zyra e BE-së në Kosovë/Përfaqësuesi Special i BE-së në partneritet me Ambasadën e Suedisë do të organizojë ditën e nesërme një ngjarje për nisjen e projektit “Fuqizimi i Sistemit Statistikor në Kosovë 2019-2020”.
Projekti synon të kontribuojë në fuqizimin e sistemit statistikor të Kosovës duke mundësuar zhvillimin e informatave të besueshme statistikore dhe duke lehtësuar përmirësimin e vendimmarrjes.
Vlera e projektit është 3.500.000 euro, ku kontributi i BE-së është 2 milionë euro dhe i SIDA-s, 1.53 milionë euro.
