Koalicioni ushtarak gabimisht ka vrarë 18 kryengritës, pjesëtarë të Forcave demokratike siriane (SDF), në sulmet ajrore të 11 prillit, njoftoi Komanda qendrore e SHBA-ve.
Siç bëhet e ditur, gabimi ka ndodhur më 11 prill kur kanë humbur jetën 18 pjesëtarë të forcave kryengritëse, të cilat përbëhen nga kurdët dhe arabët.
SDF është krijuar në fund të vitit 2015, ndërsa shumë shpejt mori mbështetjen e SHBA-ve, Francës dhe fuqive tjera Perëndimore, të cilat në muajt e parë i kanë furnizuar me 45 tonë armatim, municion dhe pajisje.
