Pas hetimeve të bëra nga Prokuroria Themelore në Gjilan, Musës i është ngritur aktakuzë në vitin 2016 dhe gjatë procesit gjyqësor drejtori i arsimit e kishte pranuar fajësinë në tërësi për veprën penale të cilën akuzohej.
Kjo është marr si rrethanë lehtësuese dhe dënimi është dhënë me kusht nëse brenda një viti i njëjti nuk kryen vepër tjetër penale.
Ndaj të dëmtuarës Bukurije Musliu, drejtori i Arsimit Nazmi Musa kishte bërë shkelje ligjore në kundërshtim me Udhëzimin Administrativ, duke mos e lejuar që ajo të sistemohet si mësimdhënëse pas përfundimit të mandatit si zëvendës-drejtoreshë e shkollës fillore ‘Abaz Ajeti’.
Po ashtu drejtori i Arsimit nuk i kishte respektuar as vendimet e Inspektoratit të Arsimit dhe as të sekretarit të përhershëm të MASHT-it.
Në vendimin e gjykatës është konstatuar se i akuzuari Nazmi Musa ka kryer veprën penale shkelja e statusit të barabartë të shtetasve dhe banorëve të Republikës së Kosovës nga neni 193 paragrafi 4 lidhur me paragrafin 1 të KPRK-së.
