Gjatë ditës së djeshme në Mitrovicë është arrestuar një 61 vjeçar pasi gjatë një feste familjare ka përdorur armë zjarri.
“Mbi bazën e informacionit veprimet e para policore ishin të orientuara drejt identifikimit të vendit, përkatësisht shtëpisë nga ku janë dëgjuar të shtënat, me ç’rast është bërë e ditur se në atë lokacion kishte aheng familjar, fillimisht në oborrin e shtëpisë së të dyshuarit janë gjetur dy gëzhoja, më pas është gjetur dhe konfiskuar edhe një armë tytëgjatë, të cilën dyshohet se e ka përdorur i dyshuari”, thuhet në raportin policor.
I dyshuari S. T., 61 vjeçar, është shoqëruar në Polici, ku pas procedurave intervistuese i njëjti është liruar në procedurë të rregullt.
Rasti po hetohet për vepër penale ‘mbajtje në shfrytëzim, posedim i paautorizuar i armës, përdorim i armës apo mjetit të rrezikshëm’.
