Qeveria e Serbisë brenda tre muajve të fundit ka ndërtuar në Kosovë 41 apartamente, 16 shtëpi dhe ka shpërndarë 53 pako me material ndërtimor për ndërtimin e shtëpive, ka thënë i ashtuquajturi drejtori i Zyrës për Kosovë, Marko Djuric.
I pyetur nga gazetarët se a do të ketë komuna serbe në Kosovë, Djuric u përgjigj pozitivisht.
“Sigurisht se do të ketë komuna serbe dhe asociacion të komunave serbe. Ne duam që të ketë më shumë komuna me shumicë serbe, sepse kur do të ktheheshin të gjithë njerëzit të cilët janë ‘dëbuar’ dhe kur do të pranoheshin elementet e marrëveshjes të cilën e kanë pranuar udhëheqësit politikë të shqiptarëve të Kosovës në Prishtinë, atëherë do të kishte më shumë komuna me shumicë serbe. Sot ka 10, ne besojmë se ato do të jenë shumë më shumë” – tha Djuric. /Zeri
