Kolona e automjeteve në Merdare aktualisht (ora 21:50) është e gjatë rreth 400 metra dhe se qytetarët për të hyrë në Kosovë duhet të presin rreth 1 orë e 30 minuta.
Të paktën kështu thuhet në raportin e fundit të Qendrës Kombëtare për Menaxhim Kufitar, raporton Indeksonline.
Kurse në Vërmicë kolona është rreth 100 metra e gjatë ani pse në këtë pikë kufitare funksionojnë katër korsi kalimi.
Edhe të Dheu i Bardhë dhe në Han të Elezit ka kolonë ku ajo sillet rreth 100 metra dhe se qytetarët duhet të presin të hyjnë në Kosovë rreth 15 minuta. Ndërsa në pikat tjera kufitare gjendja është më mirë dhe se sipas QKMK-së nuk ka kolonë fare.
