Ali Ahmeti në zor, citon edhe Kuranin

Duket se Ali Ahmeti është duke e ballafaquar me një konkurrencë të ashpër politike përderisa ai para banorëve të Studeniçanit shumë pak ka folur për punët e BDI – së apo për platformën e saj politike, por sipas agjencisë Zhurnal.mk ka nisur të citojë Hadithe dhe pjesë nga Kurani, transmeton portali Sakte.net

Pasi përshëndeti gjithë anëtarët dhe simpatizantët e BDI në Studeniçan, kryetari i këtij subjekti politik Ali Ahmetideklaroi:

“Jemi në situata ku duhet të punojmë dhe veprojmë me zemra të hapura dhe të pastra, ti themi në sy atë që mendojmë. Jo të veprojmë ndryshe para syve dhe ndryshe pas shpine, sepse gjërat e mira vijnë duke qenë të sinqertë të hapur me njëri-tjetrin. Zoti nuk ndihmon ata që ndryshe flasin dhe ndryshe veprojnë. Sesa jemi të sinqertë ndaj njëri-tjetrit është pikërisht Zoti që na vlerëson. Të nderuar, bëhen gati 30 vjetë që jam në veprimtari. Më ka rastisur të kem situata shumë të rënda deri në momente sa që do mbijetoj ose të kapërcej vështirësi. Por gjithçka që buron nga zemra dhe sinqeriteti e ke Zotin aty pranë.,” tha fillimisht Ahmeti duke cituar edhe Kuranin dhe një Hadith, njofton Zhurnal.