Një rrjet i ri social, i krijuar nga anëtarët e Anonymous, shpreson që të mposhtë Facebookun dhe rrjetet e tjera sociale me një përkushtim ndaj privatësisë, sigurisë dhe transparencës.
Faqja, Minds.com, ka opsionet e njëjta bazike si çdo rrjet tjetër social: përdoruesit dërgojnë përditësime tek ndjekësit e tyre, të cilët mund të komentojnë ose të promovojnë postime të cilat i lexojnë.
Por, ndryshe nga konkurrentët e tjerë, kjo faqe nuk ka për qëllim që të fitojë para nga të dhënat e mbledhura – por në vend të kësaj, të transkriptojë të gjitha mesazhet, kështu që të mos mund të lexohen nga reklamuesit ose qeveritë, transmeton Gazeta Express.
Një veçori e kësaj faqe, që është shumë më ndryshe nga të tjerat, është se i shpërblen njerëzit që bashkëveprojnë me postime, duke votuar, komentuar ose ngarkuar.
Përdoruesit shpërblehen me pikë të cilat mund të shkëmbehen për shikime, që nënkupton se postimet e njerëzve më aktivë do të promovohen nga rrjeti social.
Faqja është lëshuar zyrtarisht me aplikacione për celularë dhe Desktop, por ende është në versionin beta.
