Policia e Kosovës rreth orës 01:30, në rajonin e Prizrenit/Dragash, ka identifikuar dhe ndaluar një veturë me targa vendore, me ç’rast pas një procesi të verifikimit dhe kontrollit në bashkëpunim me zyrtarë të drejtorisë së antitrafikimit me njerëz janë arrestuar dy persona nën dyshimin për “trafikim me njerëz”, si dhe janë identifikuar tri viktima të trafikimit (të gjitha femra/shqiptare/kosovare).
Personat e dyshuar janë intervistuar dhe me vendim të prokurorit kompetent ndalohen për 48 orë.
Viktimat janë dërguar për ekzaminim mjekësor dhe janë ndërmarr veprimet për strehimin e tyre sipas procedurave të parapara për raste të tilla, thuhet në komunikatën për media.
