Është gjetur i djegur trupi i ambasadorit grek në Brazil, Kyriakos Amiridis. Ai ishte zhdukur prej 3 ditësh dhe dyshimet e para ishin për një pengmarrje të tij.
Sipas autoriteteve lokale, trupi i tij u gjet në një makinë të shkrumbuar. Autoritetet po hetojnë për të zbuluar shkaqet e kësaj ngjarje dhe autorët.
Ambasadori Amoiridhis konsiderohet një ndër diplomatët më të shquar të trupës diplomatike greke. Më parë ai ka shërbyer në disa vende europiane, ndërsa në Brazil ushtron funksionin që prej vitit 2015.
