Në pjesën veriore të Mitrovicës në një banesë në rrugën “Ivo Lola Ribar” është gjetur trupi i I.Q(32 vjeç), i përkatësisë serbe.
Sipas agjencisë së lajmeve Tanjug i ndjeri ka qenë student i Universitetit të Mitrovicës.
Rastin e ka konfirmuar shefi i Policisë së Kosovës në veri Zhelko Bojiq sipas të cilit trupi i të riut është gjetur në banesë ndërsa rastin në Polici e ka lajmëruar shoku i tij i dhomës, transmeton KP.
“Shkaqet e sakta të vdekjes së studentit nuk i dimë. Trupi do të dërgohet në Prishtinë për obduksion”, tha Bojiq.
