Kujtim Zarari i akuzuar për keqpërdorim të detyrës zyrtare, lirohet nga akuza për shkak të mungesës së provave.Zarari akuzohej se në qershor të vitit të kaluar, në cilësinë e drejtorit të QKMF-së, ka tejkaluar kompetencat e tij kur e ka larguar nga pozita drejtorin e Administratës në Qendrën Kryesore të Mjekësisë Familjare në Gjakovë, të dëmtuarin Musa Gjergjajn.Gjykata gjithashtu liroi Zararin për shpenzimet e procedurës penale.
Në gjykimin e kaluar dëshmuan kolegët e tij të Qendrës Kryesore së Mjekësisë Familjare.Ky gjykim është kryesuar nga kryetari i trupit gjykues Shaqir Zika, bashkë me anëtarët Gëzim Pozhegu dhe Diana Sina.Për këto akuza Kujtim Zarari, para gjykatës ishte deklaruar i pafajshëm.
Sipas aktakuzës Zarari në cilësinë e drejtorit të QKMF-së, duke tejkaluar kompetencat e tij e ka larguar nga puna drejtorin e Administratës së QKMF-së në Gjakovë, Musa Gjergjaj.Aktakuza pretendonte se Zarari këtë vendim e ka marrë në kundërshtim me Ligjin për Shërbyes Civil të Kosovës.
I vetmi organ që mund ta largojë nga puna shefin e Administratës është kryetari i komunës, thuhej në aktakuzë.
