Po vazhdojnë negociatat midis VMRO-DPMNE dhe BDI për formimin e Qeverisë së re. Pas lansimit të lajmit për takimin e parë në hotel Radika në Mavrovë, takimi i radhës këtyre ditëve është zhvilluar në hotel “Marriot në Shkup, midis mandatarit Nikolla Gruevski dhe të deleguarit të BDI-së, Musa Xhaferri, informon INA.
Takimi është zhvilluar gjatë fundjavës në orët e natës, ku fillimisht në lokal kanë mbërritur eskorta e sigurimit të kryeministrit dhe ish-shefit të DSK dhe më pas treshja është ngjitur me ashensor në katet e mësipërme, gjegjësisht në restorantin në katin e fundit të këtij hoteli në qendër të Shkupit. (INA)