Policia e Tiranës ka arrestuar një 31-vjeçar si dhe ka vënë në hetim një tjetër, pasi akuzohet se e gjatë protestës se opozitës para Bashkisë Tiranë, hodhi bomba molotov.
Sipas policisë, është arrestuar shtetasi me iniciale M.H, 31 vjeç, banues në Laç, për veprat penale “Goditjet për shkak të detyrës”, “Prishja e qetësisë publike”, “Shkelja e rregullave mbi lëndët plasëse dhe djegëse”, dhe “Shkatërrimi i pronës me zjarr”.
Ndërkohë në hetim është vënë Xh. V., 61 vjeç, banues në Tiranë, për veprën penale “Prishja e qetësisë publike”.
Njoftimi i policisë
Drejtoria Vendore e Policisë Tiranë, në lidhje me aktet e dhunshme të ushtruara gjatë protestës së zhvilluar ditën e djeshme, përpara Bashkisë Tiranë, nga Aleanca për Mbrojtjen e Teatrit, në vijim të veprimeve hetimore e procedurale dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, arrestoi në flagrancë shtetasin:
– M. H., 31 vjeç, banues në Laç, për veprat penale “Goditjet për shkak të detyrës”, “Prishja e qetësisë publike”, “Shkelja e rregullave mbi lëndët plasëse dhe djegëse”, dhe “Shkatërrimi i pronës me zjarr”.
Gjithashtu, procedoi në gjendje të lirë shtetasin Xh. V., 61 vjeç, banues në Tiranë, për veprën penale “Prishja e qetësisë publike”. Materialet i kaluan Prokurorisë.’- njofton policia.
Po ashtu dy protestues u ndaluan një ditë më parë. A.M., 36 vjeç dhe L.N., 40 vjeç, të dy banues në Borizanë të Krujës u ndaluan në vijim të hetimeve dhe veprimeve proceduriale pasi ishin në kërkim për protestën e javës së kaluar, kur hodhën molotov në drejtim të Bashkisë.
‘- A. M., 36 vjeç, dhe L. N., 40 vjeç, të dy banues në Borizanë, Krujë, për veprat penale “Goditjet për shkak të detyrës”, “Prishja e qetësisë publike”, “Shkelja e rregullave mbi lëndët plasëse dhe djegëse”, dhe “Shkatërrimi i pronës me zjarr”, kryer në bashkëpunim. Nga veprimet hetimore të kryera dyshohet se këta shtetas, gjatë protestave të zhvilluara më datë 11.04.2024 dhe 19.04.2024, kanë ushtruar akte të dhunshme, kanë kundërshtuar me forcë punonjësit e policisë, kanë hedhur lëndë piroteknike e molotov në drejtim të punonjësve të policisë dhe të Bashkisë së Tiranës.
