Më datë 18 maj 2022, efektivë të Sektorit të Policisë Kufitare Domodossola në Itali, në kryerjen e kontrolleve të zakonshme të kryera në tren, arrestuan një shtetas shqiptar 38-vjeçar, i cili po udhëtonte në trenin EC 57.
Arrestimi u krye në ekzekutim të urdhrit të kujdestarisë në burg për krime të keqtrajtimit në familje, plagosje të rëndë personale si dhe për shfrytëzim prostitucioni në dëm të ish-bashkëshortes, lëshuar nga Gip i Foggia.
Me kalimin e kohës, burri kishte kryer akte dhe sjellje të përsëritura të dhunshme ndaj gruas, duke e shtyrë atë të prostituohej, edhe nëpërmjet organizimit të takimeve me burra të ndryshëm, duke i dhënë më pas një pjesë të të ardhurave.
Policët e Sektorit të Policisë Kufitare të Domodossolës, pasi kishin përfunduar të gjitha hetimet e nevojshme, e shoqëruan burrin në burgun e Verbanias në dispozicion të Autoritetit Gjyqësor procedues./GSH
