Interi fitoi me spektakël ndaj Milanit me rezultat 3-0, duke triumfuar në finalen e Superkupës së Italisë.
Me të filluar takimi zikaltërit treguan forcën duke shënuar.
Zhvillohej minuta e 10-të, kur Federico Dimarco gjen hapësirë në zonë dhe gjuan për të shënuar për 1-0.
Goli u pa në VAR, por nuk kishte diçka të parregullt dhe u pranua.
Në minutën e 21-të, Interi edhe njëherë shënoi kur Alessandro Bastoni pasoi te Edin Dzeko i cili shënoi për 2-0.
Pjesa e parë nuk solli më gola dhe skuadrat shkuan në pushim me epërsinë e Interit.
Pjesa e dytë ishte më e dobët sa i përket rasteve, me Milanin që kërkonte të shënonte.
Kjo bëri që kuqezinjtë të linin hapësira prapa, duke bërë që Lautaro Martinez të shënonte për 3-0 në minutën e 78-të.
Deri në fund nuk kishte më gola dhe Interi fitoi trofeun e parë sezonal.
