Në Kosovë vazhdojnë thirrjet e komunitetit ndërkombëtar kundër nismës për shfuqizimin e ligjit për Gjykatën e Speciale.
Njohës të çështjeve politike vlerësojnë se këto thirrje duhet të trajtohen seriozisht nga udhëheqësit e vendit.
Sipas tyre, me një nismë të tillë, Kosova rrezikon të izolohet tërësisht dhe të humbë aleatët e saj ndërkombëtarë nëse vepron ndryshe.
Analisti Ilir Ibrahimi, thotë se nisma të tilla rrezikojnë ta bllokojnë Kosovën tërësisht.Ai thotë se me shfuqizimin e saj, vetëm prishen marrëdhëniet me aleatët që Kosova ka.
“Kosova do të humbte mikun më të madh të pavarësisë së vet”, tha ai.
Edhe Albert Krasniqi, ka thënë se zhbërja e Gjykatës Speciale nuk është aq e lehtë. Por shfuqizimi i ligjit do ta bllokonte përkohësisht këtë Gjykatë. /VOA/
