Pakënaqësi të mëdha kanë lindur në radhët e Aleancës për Shqiptarët për shkak të heshtjes disa ditore të Ziadin Selës ndaj kandidimit të Talat Xhaferit për kryetarë Kuvendi. Pas publikimit të videos ku vetë Sela kishte akuzuar Xhaferin për ratifikimin e marrëveshjeve me Sërbinë me të cilat i lejohet policisë dhe shërbimit sekret serb të hyjnë në Maqedoni dhe të arrestojë lirshëm kënd të dëshirojë.
Katër ditë pas deklaratës së Bujar Osmanit se Talat Xhaferi është kandidat i përbashkët i LSDM-së, BDI-së dhe Aleancës, Sela as nuk ka pohuar dhe as nuk ka mohuar një gjë të tillë. Në radhët e anëtarëve të Aleancës për shqiptarët janë shtuar zërat që kërkojnë sqarim nga Ziadin Sela për heshtjen që bën tani ndaj personit të cilin e kishte akuzuar rëndë sa ishte deputet dhe në fushatën parazgjedhore./RrugaDrejt
