Kryediplomati gjerman: Të ratifikohet Demarkacioni

Kryediplomati gjerman, Sigmar Gabriel, në konferencë për media të cilën po e mban me kryeministrin Isa Mustafa, ka thënë se Marrëveshja e Demarkacionit duhet të ratifikohet nëse Kosova dëshiron lëvizjen e lirë në Europë

Ministri i Jashtëm gjerman, Sigmar Gabriel, u ka dhënë mesazh të qartë deputetëve të vendit për Demarkacionin.

“Nëse BE-ja ka vendosur që ky të jetë kushti për liberalizim, atëherë kjo duhet të plotësohet nëse dëshironi lëvizje të lirë”, tha Gabriel.

Ai ka shtuar se vërejtja e tyre e fundit është se duhet të bëhet më shumë në zhvillimin e projekteve të infrastrukturës në mes të Kosovës e Serbisë dhe rajonit.