Emigrantët myslimanë të cilët refuzojnë që t’i përqafojnë vlerat evropiane duhet patjetër ta kuptojnë se ka vende tjera më të mira se BE-ja ku ata mund të jetojnë, ka thënë ministri gjerman i Financave, Wolfgang Schaeuble.
“Myslimanëve që nuk duan të ndryshojnë pasi që kanë mbërritur në Evropë duhet t’iu thuhet ‘e keni marrë vendimin e gabuar’”, ka thënë Schaeuble gjatë një diskutimi në Berlin, raporton Reuters, përcjell Express.
Sipas tij, ka vende më të mira se Evropa për të jetuar në bazë të ligjit islamik.
“Ka vende më të mira në botë se Evropa për të jetuar në bazë të ligjit islamik,” ka thënë ai.
