Është një vizion i tmerrshëm i luftës – dhe një luftë ndryshe nga çdo luftë tjetër që ka ndodhur më parë.
Shefat e Ushtrisë Amerikane kanë zbuluar parashikimet e tyre rreth një konflikti të madh, duke thënë se lufta mes kombeve në njëfarë pike në të ardhmen është “pothuajse e sigurt”.
Inteligjenca artificiale dhe armët e mençura do të vendoseshin në front – me “shtetet moderne që do të veprojnë në mënyrë shumë agresive”, thonë ata, transmeton Gazeta Express.
“Një konflikt i mundshëm në të ardhmen e afërt do të jetë jashtëzakonisht vdekjeprurës dhe i shpejtë, dhe ne nuk e zotërojmë kohëmatësin”, tha Maj. Gen. William Hix në një takim vjetor të Shoqatës së Ushtrisë Amerikane në Uashington, thuhet sipas Defence One.
“Shpejtësia e ngjarjeve me shumë gjasë do t’i shtypë aftësitë tona njerëzore”, tha Hix. Kina dhe Rusia kanë ushtri konvencionale masive që janë duke u bërë gjithnjë e më teknologjike – duke e detyruar Pentagonin që të mendojë dhe të përgatitet për “dhunë në një shkallë që Ushtria Amerikane nuk e ka parë që nga Korea”, tha Hix.
