Një sherr për vendparkimin e automjeteve është regjistruar këtë të diel në Durrës. Policia njofton se 32-vjeçari E.M., është konfliktuar për parkimin e mjetit me qytetarin me iniciale A.A.
Ai çka nisi si përplasje verbale, ka degraduar në përdorimin e shkopinjve të drurit, ku qytetari A.A, ka goditur 32-vjeçarin me shkop druri, kurse ky i fundit i është kundërpërgjigjur duke me grushte.
Pasi morën denoncimin për sherrin, shërbimet e Policisë kanë shkuar menjëherë në vendngjarje dhe po kryejnë veprimet për dokumentimin dhe sqarimin e rrethanave të konfliktit.
Njoftimi i policisë:
Durrës-Informacion
Më datë 01.05.2022, në orën 10.45, në afërsi të një lokali në Plazh Durrës, shtetasi E. M, 32 vjeç, është konfliktuar për parkimin e mjeteve me shtetasin A. A.
Shtetasi A. A., e ka goditur me shkop druri ndërsa shtetasi E.M., e ka goditur me grushta.
Shërbimet e Policisë kanë shkuar menjëherë në vendngjarje dhe po kryejnë veprimet për dokumentimin dhe sqarimin e rrethanave të konfliktit./GSh
