SPAK ka dërguar në Gjykatën kundër Korrupsionit dhe Krimit të Organizuar kërkesën për arrestimin e deputetit të Partisë Socialiste, Alqi Bllako, i cili akuzohet si i përfshirë në aferën e inceneratorëve.
Kujtojmë se Bllako dorëzoi dje vullnetarisht mandatin e tij të deputetit, ndërsa pritet që arresti i tij, edhe pse do të duhet fillimisht të bëhet masa e sigurisë, të ndodhë nesër apo një ditë më pas, duke pasur parasysh faktin se, gjykata është e ngarkuar me 9 masa sigurie.
Ndërkohë, mësohet se kërkesa do të shqyrtohet nga gjyqtarja Irena Gjoka.