Negativ është edhe testi i tretë për infektim me koronavirus tek kancelarja gjermane, Angela Merkel, kumtuan sot prej kabinetit të saj, ndërsa transmetuan agjencitë botërore.
“Kancelarja edhe në disa ditët e ardhshme punët e saj shtetërore do t’i kryejë nga karantina shtëpiake”, shton Qeveria në Berlin në kumtesë.
Kancelarja Merkel në karantinë shtëpiake ndodhet mbi një javë, pasi mjeku i cili i kishte dhënë vaksinë, ka qenë pozitiv në testin për koronavirus.
